نئی دہلی، 10 دسمبر (آئی این ایس انڈیا) دہلی ہائی کورٹ نے سینٹرل گوڈس اینڈ سروسز ٹیکس (سی جی ایس ٹی) ایکٹ کی شقوں کے آئینی جواز کو چیلنج کرنے والی ایک درخواست پر مرکز اور ڈی جی جی آئی سے جواب طلب مانگاہے جس میں کسی شخص کی گرفتاری کے حق کی فراہمی متعلقہ ہیں۔جسٹس منموہن اور جسٹس سنجیو نارولا کی بنچ نے مرکزی حکومت اور جی ایس ٹی انٹیلی جنس کے ڈائریکٹوریٹ جنرل (ڈی جی جی آئی) کو سی جی ایس ٹی ایکٹ کی دفعہ 69 اور 132 کو غیر آئینی، غیر قانونی، ناقابل عمل قرار دینے کی درخواست پر نوٹس جاری کیا۔ ایکٹ کی دفعہ 69 کسی شخص کو گرفتار کرنے کے اختیارات سے متعلق ہے اور دفعہ 132 میں بعض جرائم کی سزا کا معاملہ ہے جہاں کوئی شخص خود ہی جرم کرتا ہے یا اس پر اکساتا ہے۔ عدالت ٹرانس لائن ٹیکنالوجی پرائیویٹ لمیٹڈ کے ڈائریکٹر ارون گپتا کی درخواست پر سماعت کر رہی تھی، جس میں حکام کو کسی جرم کی تحقیقات کو قانونی طور پر شروع کرنے کیلئے سی آر پی سی کے تحت لازمی طریقہ کار پر عمل کرنے کی ہدایت دینے کی بھی کوشش کی گئی تھی۔ ڈی جی جی آئی نے گپتا پر الزام لگایا ہے کہ وہ سامان کی فراہمی کے بغیر 13 کروڑ روپے کے جعلی بل جاری کرتا ہے اور سی جی ایس ٹی ایکٹ کے تحت مبینہ جرائم کرتا ہے۔ گپتا نے حکام سے ہدایت کی ہے کہ وہ ٹرانس لائن ٹیکنالوجیز کے خلاف زیر التواء تحقیقات کے خلاف سخت کارروائی نہ کریں۔